JEREMIA

JEREMIA Muprofita uyu akashanda mumakore okupedzisira eJudha. Shoko rake rakanga riri reyambiro: Kuranga kwaMwari kunofanira kuuya kana vakaramba vachimukira Mwari. Zvirokwazvo, kuranga kwakanga kuchiuya pamusoro pavo kusingadziviririke, uye zvaiva nouchenjeri kwavari kuti vagamuchire kuti Mwari akanga achishandisa Bhabhironi kuvaranga. Vapamusoro-soro muJudha, pavakatapwa vakaendeswa kuBhabhironi, Jeremia akavaudza kuti Mwari aizozadzisa urongwa hwake kubudikidza navatapwa. Panguva imwe cheteyo akanga achikuridzira vaya vakanga vasara muJudha kuti vagamuchire mamiriro ezvinhu, asi maashoko ake akawira pavanhu vakanga vasinganzwi. Mubhuku iri tinoziva zvakawanda pamusoro pokuti muprofita uyu akanga asingafarirwi navanhu, aifungei uye ainzwei mukati make.