VANA VAMWARI

MATEO. 5:9 Vakaropafadzwa vanoyananisa nokuti vachanzi vana vaMwari. JOHANI. 1:12 Asi vose vakamugamuchira, wakavapa simba kuti vave vana vaMwari, ivavo vanotenda kuzita rake. VAROMA. 8:14 Nokuti vose vanotungamirirwa noMweya waMwari, ndivo vana vaMwari. VAROMA. 8:15-17 Nokuti hamuna kupiwa mweya wovuranda kuti mutye zve, asi makapiwa mweya wokuitwa vana, watinodana nawo, tichiti: Aba, baba; 16 Mweya amene unopupurirana nomweya wedu, kuti tiri vana vaMwari; 17 zvino kana tiri vana, tiri adyi venhaka; vadyi venhaka yaMwari, vadyi venhaka pamwe chete naKristu; kana tichitambudzika pamwe chete naye, tichakudzwa vo pamwe chete naye. VAGARATIA. 3:26 Nokuti imi mose muri vana vaMwari nokutenda munaKristu Jesu. VAGARATIA. 4:5-6 Kuti adzikinure vari pasi pomurairo, kuti tipiwe vumwana bwedu. 6 Zvino zvamuri vanakomana, Mwari wakatuma Mweya woMwanakomana wake mumoyo menyu, unodana achiti; Aba, Baba! VAEFESO. 1:5-6 Akatitemera kare, kuti naJesu Kristu tiitwe vanakomana vake, sezvaakafadzwa pakuda kwake, 6 kuti kunaka kukuru kwenyasha dzake dzaakangotipa hake muMudikanwa wake, kurumbidzwe. 1 JOHANI. 3:1 Tarirai kukura kworudo rwatakaitirwa naBaba, kuti tinzi vanakomana vaMwari; ndizvo zvatiri vo; saka nyika haitizivi, nokuti haina kumuziva iye. 1 JOHANI. 3:2-3 Vakadikanwa, zvino tiri vana vaMwari, vuye zvichigere kuratidzwa kuti tichazovei. Tinonzwa kuti kana achizovoneswa, isu tichafanana naye; nokuti tichamuvona sezvaakaita. 3 Mumwe nomumwe unetariro iyi kwaari, unozvichenesa sezvaakachena iye. 1 JOHANI. 3:10 Vana vaMwari vanovoneswa naizvozvi, navana vaDhiabhorosi; mumwe nomumwe usingaiti zvakarurama, haazi waMwari, naiye vo usingadi hama yake.