MUVIRI WAKRISTU

MATEO. 16:18 Neni ndinoti kwauri ndiwe Petro, pamusoro poruware urwu ndichavaka kereke yangu, masiwo eHadhesi haandaikundi. MATEO 18. 19-20 Ndinoti kwamuri zve: Kana vaviri venyu vakatenderana panyika pamusoro pechimwe chinhu chavanokumbira, vachachiitirwa naBaba vangu vari kudenga. 20 Nokuti apo pakavungana vaviri kana vatatu muzita rangu, ndiripo pakati pavo. MAKO. 3:24-25 Kana vushe bwuchipesanisa, vushe uhwo habwungagoni kumira. 25 Kana imba ichizvipesanisa, imba iyo haingagoni kumira. VAROMA. 12:4-8 Nokuti sezvatinemitezo mizhinji pamuviri mumwe, asi mitezo yose hainebasa rimwe chete; 5 saizvozvo isu, tiri vazhinji, tiri muviri mumwe chete munaKristu, mumwe nomumwe ari mutezo wavamwe. 6 Tinezvipo zvakasiyana, patakapiwa nyasha napo; kana kuri kupororfita, ngatiprofite zvakaenzana nokutenda kwedu; 7 kana kuri kushumira ngazvivonekwe pakushumira kwedu; kana kuri kudzidzisa, pakudzidzisa kwedu; 8 kana kuri kuraira, pakuraira kwedu; unopa, ngaape nomoyo wose; uri mukuru, ngaabate nokushingaira; unoitira ngoni, ngaaite nomufaro. 1 VAKORINDE. 1:10 Zvino ndinokumbira zvikuru kwamuri, hama dzangu, nezita raShe wedu; Jesu Kristu, kuti imi mose mutaure chinhu chimwe, kuti pakati penyu kurege kuva nokupesana; asi kuti musonganiswe zvakanaka nokufunga kumwe. 1 VAKORINDE. 12:11-31 Asi izvi zvose zvinoitwa noMweya iwoyu mumwe chete, unogovera mumwe nomumwe sezvaanoda. 12 Nokuti somuviri uri mumwe, unemitezo mizhinji, nemitezo yose yomuviri, kunyange iri mizhinji, muviri ndomumwe chete; wakadaro vo Kristu. 13 Nokuti muMweya mumwe isu tose takabhabhatidzwa mumuviri mumwe; kana tiri vaJudha, kana vaGiriki, kana varanda, kana vakasununguka; isu tose takanwiswa paMweya mumwe. 14 Nokuti muviri hauzi mutezo mumwe, asi mizhinji. 15 Kana rutsoka rukati; zvandisati ndiri ruvoko, handizi womuviri; ko haruzi rwomuviri, zvarwakadaro here? 16 Nenzeve kana ikati: Zvandisati ndiri ziso; handizi womuviri; ko haizi yomuviri here? 17 Kana muviri wose raiva ziso, kunzwa kwaivepiko? Kana wose kwaiva kunzwa, kunhuwidza kwaivepiko? 18 Asi zvino Mwari wakaisa mutezo mumwe nomumwe pamuviri sezvaakada. 19 Kana yose waiva mutezo mumwe, muviri waive piko? 20 Asi zvino kune mitezo mizhinji asi muviri mumwe. 21 Ziso haringati kuruvoko; Handikudi; kana musoro vo kutsoka; handikudiyi imi. 22 Kwete, zvikuru mitezo iyo yomuviri inenge isinesimba ndiyo inodikanwa; 23 nemitezo iyo yomuviri yatinoti haikudzwi, ndiyo yatinokudza kwazvo: nemitezo iyo yedu isina kunaka, ndiyo yova nokunaka kunopfuvurisa; 24 asi mitezo yedu yakanaka, haishaiwi kukudzwa. Asi Mwari wakabatanidza muviri wose, akakudza anokupfuvurisa mitezo inoshaiwa kunaka: 25 kuti pamuviri parege kuva nokupesana; asi mutezo ichengetane zvakaenzana. 26 Kana mutezo mumwe uchitambudzika, mitezo yose inotambudzika pamwe chete nawo; kana mutezo mumwe chikudzwa, mitezo yose inofara pamwe chete nawo. 27 Zvino imi muviri waKristu, nomumwe, nomumwe mitezo yaiwo. Mwari wakaisa vamwe pakereke, pakutanga vaapostora rwechipiri vaporofita, rwechitatu vadzidzisi, tevere vaiti vamabasa esimba, tevere zvipo zvokuporesa, navabatsiri navabati, namarudzi mazhinji endimi. 29 Vose vaapostora here? Vose vaprofita here? Vose vadzidzisi here? Vose vaiti vamabasa esimba here? 30 Vose vanezvipo zvokuporesa here? Vose vanotaura nendimi here? Vose vanodudzira here? VAEFESO. 1:22-23 Akaisa zvose pasi petsoka dzake, akapa kereke iye, kuti ave musoro wazvose. 23 ndiwo muviri wake kuzara kwaiye unozadzisa zvose munavose. VAEFESO. 4:1-7 Naizvozvo ini musungwa munaShe, ndinokumbira zvikuru kuti mufambe zvakafanira kudanwa kwamakadanwa nako. 2 nokuzvininipisa kwose novunyoro, nomoyo murefu, muchiitirana moyo murefu murudo; 3 muchishingaira kuchengeta vumwe bwoMweya muchisungo chorugare. 4 Kuno muviri mumwe, noMweya mumwe, sezvamakadanwa vo mutariro imwe yokudanwa kwenyu; 5 Ishe mumwe, nokutenda kumwe, nerubhabhatidzo rumwe, 6 naMwari mumwe, naBaba vavose, uri pamusoro pavose, unobata navose, uri mukati menyu mose. 7 Asi mumwe nomumwe wedu wakapiwa nyasha nechiyero chechipo chaKristu. VAEFESO. 5:25-27 Imi varume, idai vakadzi venyu, Kristu sezvaakadavo kereke, akazvipa nokuda ayo; 26 kuti aiite tsvene achiinatsa nokushambidza kwemvura pashoko, 27 kuti azviisire pamberi pake kereke, inobwinya, isinengwapa. VAKOROSI. 1:24 Zvino ndinofara pakutambudzika kwangu nokuda kwenyu, ndichizadzisa panyama yangu zvakasara pamadambudziko aKristu, nokuda kwomuviri wake, iyo kereke.