MWARI AAZI MUNHU

NUMERI. 23:19 Mwari haazi munhu. Haangarevi nhema; Kunyange Mwanakomana womunhu Haangashanduki; Chaakataura, haangachiiti kanhi? Chaakataura haangachisimbisi kanhi? JOBHO. 42:2 Ndinoziva kuti imi munogona kuita zvose, Uye kuti hakuna chamunovavarira chingadziviswa. MAPISAREMA. 102:26-27 Zvichaparara izvo, asi imi muchagara muripo; Zvirokwazvo, izvozvo zvose zvichasakara senguvo; Muchazvishandura sechisimiro, zvikashanduka; 27 Asi imi hamushanduki, Makore enyu haangavi nomugumo. MAPISAREMA. 139:1-6 Jehovha, imi makandinzvera, nokundiziva. 2 Munoziva kugara kwangu pasi nokusimuka kwangu, Munonzwisisa kufunga kwangu muri kure. 3 Munocherekedza kufamba kwangu nokuvata kwangu pasi, Munoziva nzira dzangu dzose. 4 Nokuti shoko risati ravapo parurimi rwangu, Tarirai, imi Jehovha, matoriziva rose. 5 Makandikomberedza shure kwangu nemberi, Nokuisa ruoko rwenyu pamusoro pangu. 6 Kuziva kwakadai kunondishamisa kwazvo; Zviri kumusoro, handigoni kusvikira kwazviri. ISAYA. 43:10 Zvanzi naJehovha, zvapupu zvangu, nomuranda wangu, wandakasanangura, kuti muzive, mugonditenda, munzwisise kuti ndini iye; hakuna mumwe mwari wakanditangira pakuumbwa, shure kwangu hakungazovipo mumwe. ISAYA. 44:6-8 Zvanzi naJehovha, Mwari wavaIsraeri, noMudzikinuri wavo, Jehovha wehondo, ndini wokutanga nowokupedzisira; kunze kwangu hakuna Mwari. 7 Ndianiko angadana seni nokuzviparidza, nokuzvigadzirira izvo, kubva panguva yandakagadza vanhu vakarekare? Zvinhu zvinouya, nezvinozoitika, ngavazviparidze izvo. 8 Musatya henyu, musavhunduka; handina kukuparidzirai izvozvo kare, nokukuratidzai here? Imi muri zvapupu zvangu. Kunomumwe Mwari kunze kwangu here? Zvirokwazvo, hakuna rimwe dombo, ini handirizivi. ISAYA. 45:21-22 Paridzai, muzvibudise; zvirokwazvo, ngavarangane pamwechete, vachiti, ‘Ndiani akazviratidza izvi kubvira panguva yekare-kare? Ndiani akazviparidza pakutanga? Handizini Jehozha here? Hakuna mumwe Mwari kunze kwangu, Mwari akarurama noMuponesi, hakuna mumwe kunze kwangu. 22 Tarirai kwandiri muponeswe imwi mativi ose enyika nokuti ndini Mwari hakuna mumwe. JEREMIA. 23:24 Ko munhu uripo ungavanda panzvimbo dzisingazikanwi, ini ndikasamuona here? Ndizvo zvinotaura Jehovha. Ko ini handizadzi denga nenyika here? Ndizvo zvinotaura Jehovha. MARAKI. 3:6 Nokuti ini Jehovha handishanduki, saka imi, vanakomana vaJakobho, mugere kuparadzwa. MATEO. 19:26 Jesu ndokuvatarira, akati kwavari: kuvanhu izvi hazvibviri, asi kuna Mwari zvose zvinobvira. RUKA. 24:39 Tarirai zvanza zvangu netsoka dzangu, kuti ndini ndimene. Ndibatei, muvone, nokuti mweya haunenyama namapfupa, sezvamunondivona ndinazvo ini. JAOHANI. 1:3 Zvinhu zvose zvakaitwa naye; kunze kwake hakuna kuitwa kunyange chinhu chimwe chakaitwa. JOHANI. 4:24. Mwari ndiMweya; vanomunamata, vanofanira kumunamata mumweya nezvokwadi. VAROMA. 1:22-23 Vachiti, takachenjera, vakava mapenzi; 23 vakashandura kubwinya kwaMwari usingafi, vakakuita mufananidzo wakafanana nomunhu unofa, neshiri, nemhuka dzinamakumbo mana, nezvinokambaira. 1 VAKORINDE. 8:6 Asi isu tinongova naMwari mumwe bedzi, ndivo Baba; zvinhu zvose zvinobva kwaari, nesu tiripo nokuda kwake; vuye Ishe mumwe, Jesu Kristu; zvinhu zvose zviripo naye, nesu tiripo naye. VAFIRIPI. 2:6-7 Iye, kunyange akanga akafanana naMwari, haana kuti kuenzana naMwari ndechinhu chinofanira kubatisiswa; 7 asi wakazviita usina mature, akazvitorera chimiro chomuranda, akaitwa nomufananidzo womunhu. VAKOROSE. 1:15 Ndiye mufananidzo waMwari usingavonekwi, dangwe rezvisikwa zvose. VAKOROSE. 1:16 Nokuti maari zvinhu zvose zvakasikwa, zviri kudenga napanyika, zvinovonekwa nezvisingavonekwi, kana zviri zvigaro zvovushe kana vushe, kana vabati, kana masimba; zvinhu zvose zvakasikwa naye, zviripo nokuda kwake. VAHEBHERU. 1:2-3 Zvino pakupedzisira kwamazuva ano wakataura kwatiri muMwanakomana wake, waakaita mudyi wenhaka yezvinhu zvose, waakaita vo naye nyika; 3 iye chadzera chokubwinya kwake, nomufananidzo wake chaiye, unotakura zvinhu zvose neshoko resimba rake, wakati anatsa zvivi zvedu iye pachake, akagara kurudyi rwoVumambo kudenga. VAHEBHERU. 1:10-12 Vuye, imi, Ishe, makateya nheyo dzenyika pakutanga, Nedenga ndiro basa ramavoko enyu. 11 Iro richipera, asi imi mucharamba muripo, Richasakara rose senguvo; 12 Mucharipeta sechinofukwa, Senguvo, rikashandurwa; Asi imi makangodaro, namakore enyu haangagumi. VAHEBHERU. 13:8 Jesu Kristu unogara akadaro zuro, nanhasi, nokusingaperi. JAKOBHO. 1:17 Zvipo zvose zvakanaka nezvipiwa zvose zvakanaka zvinobva kumusoro, zvichiburuka kunaBaba vezviedza, uyo usina kupinduka kana mumvuri wokushanduka.