Nechikonzero Chei Mwari Akatipa Bhabheri?

Nechikonzero cheyi Mwari akatipa Bhabheri? 1. Mwari akapa Bhaibheri kuitira kuti vanhu vasina kuponeswa vazive nzira yoruponeso uye vagoponeswa. Pauro zvaakanyora kuna Timotio, akataura maererano neMagwaro Matsvene uye akati, "...anogona kukupa uchenjeri hunoisa kukuponesa nokutenda kuri munaKristu Jesu" (2 Timotio 3:15). Mutsamba yake kuvaRoma Pauro akanyora achiti, "Naizvozvo kutenda kunouya nokunzwa, nokunzwa kunouya neshoko raKristu" (VaRoma 10:17) Jesu ndiye anoponesa. Bhaibheri rinodzidzisa nezvaJesu uye nokuti tingaponeswa sei kuburikidza nokutenda maari. 2. Mwari akapa Bhaibheri kuitira kuti vakaponeswa vazive nzira yavanofanira kurarama nayo semaKristu. "Rugwaro rwose rwakafuridzirwa naMwari, runobatsira pakudzidzisa, nokuraira, nokururamisa, nokuranga kuri mukururama, kuti munhu waMwari akawana agadzirirwe kwazvo mabasa ose akanaka" (2 Timotio 3:16,17). "Pazvirevo zvenyu ndinowana njere; saka ndinovenga nzira dzose dzenhema" (Mapisarema 119:104).Bhabheri rinosangana nechido chimwe nechimwe chokutungamirirwa kwemweya. Bhabheri haringotiratidze nzira yeruponeso, asi rinotidzidzisa nzira yatinofanira kurarama nayo semaKristu.