ZVAKAVANZIKA

MATEO. 10:26-27 Naizvozvo musavatya nokuti hakunachinhu chakafukidzwa chisingazozarurwi. Kana chakavanzika chisingazozikamwi. 27 Zvandinokuvudzai murima, Taurai pachena, zvamunonzwa munzeve paridzai pamusoro pedzimba. MAKO. 4:21-22 Zvino wakati kwavari, mwenje uripo kuti uiswe pasi pedengu kana pasi pomubhedha here? Hauzipo kuti uiswe pachigadziko here? 22 Nokuti hapana chinhu chakavanzika chisingavoneswi,hapana chakavigwa chisingazobudi pachena. RUKA. 11:33 Hakunamunhu unoti kana atungidza mwenje, ungauisa pakavanda, kana pasi pedengu, asi pachigadziko, kuti vanopinda vavone chiedza. JOHANI. 3:19-21 Kutongwa ndokuku, kuti chiedza chakasvika panyika, asi vanhu vakada rima kupfuvura chiedza, nokuti mabasa avo akanga akaipa. 20 Nokuti mumwe nomumwe, unoita zvakaipa, unovenga chiedza haavuyi pachiedza, kuti mabasa ake arege kubudiswa pachena. 21 Asi unoita zvokwadi, unovuya pachiedza, kuti mabasa ake avonekwe, kuti akaitwa munaMwari. JOHANI. 18:20 Jesu akamupindura, akati: Ndaitaura pachena kunyika; ndaidzidzisa nguva dzose mumasinangoge nomutembere, panovungana vaJudha vose; handina kureva chinhu pakavanda. VAEFESO. 5:11-12 Regai kuyanana namabasa erima asine zvibereko, asi zvirinani kuti muraire; 12 nokuti izvo, zvinoitwa navo pakavanda, zvinonyadza kana zvichirebwa.