CHEGUMI

MARAKI. 3:8-10 Ko munhu angabira Mwari here? Kunyange zvakadaro munondibira. Asi imi munoti, Takakubirai pazvinhu zvipi? Pane zvegumi nezvipiriso zvinotsaurwa. 9 Makatukwa nokutuka; nokuti munondibira, urwo rudzi urwu rwose. 10 Uyai nezvegumi zvose muimba yokuvigira, kuti zvokudya zvivepo mumba mangu, mundiidze naizvozvi zvino ndizvo zvinotaura Jehovha wehondo muone kana ndisingakuzaruriyi mahwindo okudenga, ndikakudururirai mukomborero wamuchashaiwa pokuisa. RUKA. 6:38 Ipai, nemi muchapiwa; vachakupai pamavoko enyu chiyero chakanaka, chakatsikirirwa, chakazunguzirwa, chakaita mupfunga; nokuti nechuyero chamunoyera vo nacho. RUKA. 18:12 Ndinozvinyima zvokudya kaviri nevhiki, ndinopachegumi chezvose zvandinowana. RUKA. 21:1-4 Zvino wakati achitarira, akavona vafumi vachiisa zvipo zvavo muchivigiro chemari. 2 Akavona imwe chirikadzi, waiva murombo, achiisamo tumari tuviri tuduku. 3 Akati: Zvirokwazvo ndinoti kwamuri: Chirikadzi iyi iri murombo, yakaisa kupfuvura vamwe vose; 4 nokuti avo vose vakaisa pazvipo vachitora pazvizhinji zvavo, asi uyu wakaisa, achitora pakushaiwa kwake, zvaaifanira kurarama nazvo, zvose zvaakanga anazvo. MABASA AVAPOSTORI. 4:32-37 Zvino vazhinji vose vavaitenda vaiva nomoyo mumwe nomweya mumwe; kwakanga kusinomumwe waiti chimwe chaaiva nacho ndechake, asi zvinhu zvose vakati ndezvavose. 33 Vaapostora vaipupurira kumuka kwaJesu nesimba guru; nyasha huru ikavapo pamusoro pavo vose. 34 Nokuti pakanga pasina waishaiwa pakati pavo, nokuti vose vaiva neminda kana dzimba, vakazvitengesa, vakavuya nomutengo wezvakatengeswa. 35 Vakazviisa pamberi pavaapostora; mumwe nomumwe akagoverwa paakashaiwa napo. 36 NaJosefa, wakatumidzwa navaapostora achinzi Bharnabhasi, (ndokuti Mwanakomana wokunyaradza, kana zvichishandurwa), muRevhi, munhu weKupro parudzi rwake. 37 Waiva nomunda; akautengesa, akavuya nemari akaisa pamberi pavaapostora. 1 VAKORINDE. 16:1-2 Zvino kana zviri zvipo zvakavunganidzirwa vatsvene, sezvandakaraira kereke dzeGaratia, itai vo seizvozvo. 2 Nomusi wokutanga wevhiki, mumwe nomumwe wenyu ngaakamure zvimwe kumba kwake, avunganidze, paakawana napo, kuti zvipo zvirege kuvunganidzwa, kana ndochisvika. 2 VAKORINDE. 8:2-4 Kuti pakati pokuidzwa kukuru kwokutambudzika, mufaro wavo mukuru, pamwe chete novurombo bwavo bwukuru, zvakawanza zvikuru kusanyima kwavo. 3 Nokuti ndinopupura, kuti vakapa nokuda kwavo pavakagona napo, kunyange kupfuvura pavakagona napo; 4 vakakumbira nokunyengetera kukuru kwatiri kuti tivatendere kuita basa iri renyasha nokusongana pakushumira vatsvene. 2 VAKORINDE. 8:12-14 Nokuti kana moyo wokupa uripo, chipo chinofadza zvichinda nokuwana kwomunhu, zvisingaindi nokushaiwa kwomunhu. 13 Nokuti handirevi kudaro ndichiti vamwe varerukirwe, imi muremerwe; asi kuti muenzane; 14 kuti panguva ino kuwana kwenyu kubatsire kushaiwa kwavo, kuti kuwana kwavo kubatsire kushaiwa kwenyu vo; kuti kuve nokuenzana. 2 VAKORINDE. 9:6-8 Zvino Rangarirai chinhu ichi: Unodzwara zvishoma, unocheka vo zvishoma; unodzwara zvizhinji uchacheka vo zvizhinji. 7 Mumwe nomumwe ngaite sezvaakafunga pamoyo; arege kuita nokuchema, kana nokurovererwa; nokuti Mwari unoda munhu unopa nomufaro. 8 Mwari unogona kukuwanzirai nyasha dzose kuti nguva dzose muve nokuringana kwose pazvose,kuti muwanze mabasa ose akanaka.