TEMBERE

1 MADZIMAMBO. 8:27 Ko mukati Mwari ungagara panyika here? Tarira, denga nokudenga-denga hazvingamuringani, ndoda imba ino yandakavaka! 2 MAKORONIKE. 2:6 Imba yandinovaka ihuru; nokuti Mwari wedu mukuru kupfuvura vamwari vose. 2 VAKORONIKE. 6:18 Ko mukati Mwari ungagara panyika here? Tarira, denga nokudenga-denga hazvingamuringani; ndoda imba ino yandakavaka! ISAYA. 66:1 Zvanzi naJehovha, Kudenga ndicho chigaro changu choushe, nyika ndicho chitsiko chetsoka dzangu; mungandivakira imba yakadiiko? Ndeipiko nzvimbo pandingazorora? MATEO. 12:6 Asi ndinoti kwamuri mukuru wetembere uri pano. MATEO. 18:20 Nokuti apo pakavungana vaviri kana vatatu muzita rangu, ndiripo pakati pavo. MATEO. 27:51 Ipapo tarira chidzitiro chetembere chakabvaruka napakati, kubva kumusoro kusvikira pasi. Nyika ikadengenyeka, mabwe akatsemuka. MAKO. 15:38 Chidziro chetembere chikabvaruka napakati, kubva kumusoro kusvikira pasi. RUKA. 21:5-6 Zvino vamwe vakati vachitaura pamusoro petembere, kuti yakanga yakashongedzwa namabwe akanaka nezvipo, iye akati: 6 Kana zviri izvi zvamunovona, mazuva achasvika, asingazoregwi ibwe pamusoro pebwe, risingazowisirwi pasi. RUKA. 23:45. Zuva rikasviba: chidzitiro chetembere chakabvaruka napakati. JOHANI. 4:20-24 Madzibaba edu ainamata pagomo iri; imi munoti muJerusarema ndimo munofanira kunamatwa. 21 Jesu akati kwaari: Mai nditende kuti nguva inovuya, yamusingazonamati Baba pagomo iri, kana paJerusarema. 22 Imi munonamata chamusingazivi; isu tinonamata chatinoziva, nokuti ruponeso runobva kuvaJudha. 23 Asi nguva inovuya, nazvino yatovapo, yokuti vashumiri vazvokwadi vachanamata Baba mumweya nezvokwadi; nokuti Baba vanotsvaka vakadaro kuzomunamata. 24 Mwari ndiMweya vanomunamata, vanofanira kumunamata mumweya nezvokwadi. JOHANI. 18:20 Jesu akamupindura akati: Ndaitaura pachena kunyika; ndaidzidzisa nguva dzose mumasinangoge nomutembere, panovungana vaJudha vose; handina kureva chinhu pakavanda. MABASA AVAPOSTORI. 7:48-50 Asi Wokumusoro haagari mudzimba dzakavakwa namavoko, sezvakarebwa nomuporofita achiti; 49 Denga ndicho chigaro changu chovushe. Nenyika chitsiko chetsoka dzangu; Muchandivakira imba yakadiniko? Ndizvo zvinoreva Ishe; Kana nzvimbo yandingazorora pairi ndeipi? 50 Ko ruvoko rwangu haruna kuita izvozvi zvose here? MABASA AVAPOSTORI. 17:24 Mwari wakasika nyika nezvose zviri mairi, iye Tenzi wedenga napasi, haagari mutembere dzakaitwa namavoko. 1 VAKORINDE. 3:16-17 Ko hamuzivi kuti muri tembere yaMwari, vuye kuti Mweya waMwari unogara mukati menyu here? 17 Kana munhu achitadzira tembere yaMwari uchamutadzira vo; nokuti tembere yaMwari itsvene, ndimi iyo. 1 VAKORINDE. 6:19 Hamuzivi here kuti muviri wenyu itembere yoMweya Mutsvene, uri mukati menyu, wamakapiwa naMwari? Hamuzi venyu. 2 VAKORINDE. 6:16 Tembere yaMwari ingatenderana Seiko nezvifananidzo? Nokuti isu tiri tembere yaMwari mupenyu; Mwari sezvaakareva; achiti; Ndichagara mukati mavo, nokufamba mukati mavo; ndichava Mwari wavo, ivo vachava vanhu vangu. VAEFESO. 2:19-21 Naizvozvo, hamuzati muchiri vaeni navatorwa, asi vobwo pamwe chete navatsvene, naveimba yaMwari. 20 Makavakwa pamusoro penheyo dzvaapostora navaporofita, Kristu Jesu amene ari ibwe rapakona. 21 Maari imba yose yakasonganiswa ichikura kuti ive tembere tsvene munaMwari. VAHEBHERU. 9:11-12 Asi Kristu wakati asvika ari muPirista mukuru wezvinhu zvakanaka zvinozovuya, akapinda napatabhernakeri yakapfuvura pakukura napakukwana, isina kuitwa namavoko, ndiko kuti isati iri yokusikwa kuno, 12 haana kupinda neropa rembudzi kana remhuru, asi neropa rake chairo, kamwe zvikapera, panzvimbo tsvene, akatiwanira rudzikinuro rusingaperi. 1 PETRO. 2:5 Nemi vo, samabwe mapenyu, muvakwe muve imba yoMweya, muve vuPrista vitsvene, kuti mubayire zvibayiro zvoMweya, zvinofadza Mwari nokuda kwaJesu Kristu. ZVAKAZARURWA. 21:22 Handina kuvona tembere mukati maro, nokuti Ishe Mwari wamasimba ose neGwaiana itemberi yaro.