RUPONESO/UPENYU HUSINGAPERI

MAKO. 16:16 Unotenda, akabhabhatidzwa, uchaponeswa; asi usingatendi uchatongwa. JOHANI. 3:16 Nokuti Mwari wakada nyika nokudaro, kuti wakaipa Mwanakomana wake wakaberekwa mumwe woga, kuti ananinani unotenda kwaari, arege kuparara, asi ave novupenyu bwusingaperi. JOHANI. 4:36 Unocheka unopiwa mubairo, unovunganidza zvibereko muvupenyu bwusingaperi; kuti unokusha nounocheka vafare vose. JOHANI. 5:24 Zvirokwazvo, zvirokwazvo, ndinoti kwamuri; Unonzwa shoko rangu, nokutenda wakandituma, unovupenyu bwusingaperi; haavuyi mukutongwa, asi wabva murufu waenda, muvupenyu. JOHANI. 6:40 Nokuti kuda kwaBaba vangu ndiko, kuti mumwe nomumwe, unotenda kwaari Mwanakomana, nokutenda kwaari, ave novupenyu nwusingaperi; neni ndichamumutsa nezuva rokupedzisira. JOHANI. 6:47 Zvirokwazvo, zvirokwazvo, ndinoti kwamuri; Unotenda, kwandiri unovupenyu bwusingaperi. JOHANI. 6:51 Ndini chingwa chipenyu, chakaburuka kudenga; kana munhu achidya chingwa ichi; uchararama nokusingaperi; chingwa chandichapa, inyama yangu, bwuve vupenyu bwenyika. JOHANI. 6:54 Aninani unodya nyama yangu, nounomwa ropa rangu, unovupenyu bwusingaperi; ini ndichamumutsa nezuva rokupedzisira. JOHANI. 10:27-28 Makwai angu anonzwa inzwi rangu; neni ndinoaziva vuye anonditevera. 28 Ndinoapa vupenyu bwusingaperi; haangafi nokusingaperi; vuye hakunamunhu ungaabvuta muruvoko rwangu. JOHANI. 17:3 Vupenyu bwusingaperi ndibwo, kuti vakuzivei imi, Mwari uri woga wazvokwadi, naJesu Kristu, wamakatuma. MABASA AVAPOSTIRI. 16:30-31 Akavabudisira kunze, akati: Vatenzi, ndinofanira kuitei kuti ndiponeswe? 31 Vakati: Tenda kunaShe Jesu Kristu, ugoponeswa, iwe nemhuri yako. VAROMA. 1:16 Nokuti handinyari pamusoro peEvhangeri, nokuti isimba raMwari rokuponesa mumwe nomumwe unotenda, kutanga muJudha, vuye muGiriki vo. VAROMA. 3:23:24 Nokuti vose vakatadza vakasasvika pakubwinya kwaMwari. 24 Vanongoruramiswa nenyasha dzake nokudzikinura kuri munaKristu Jesu. VAROMA. 3:26-27 Kuti kururama kwake kuratidzwe, nenguva ino, kuti arurame iye amene, vuye arurame uyo unotenda kunaJesu. 27 Zvino kuzvikudza kuripo? Kwabviswa, Nomurairo upiko? Wamabasa here? Kwete, asi nomurairo wokutenda. VAROMA. 5:8-9 Asi Mwari unoratidza rudo rwake kwatiri pakuti Kristu wakatifira, tichiri vatadzi. 9 Zvino, zvatakaruramiswa muropa rake, tichaponeswa zvikuru sei naye pakutsamwa. VAROMA. 10:9-10 Kuti kana uchipupura nomuromo wako kuti Jesu ndiye Ishe, nokutenda mumoyo mako, kuti Mwari wakamumutsa kuvakafa, uchaponeswa; 10 nokuti munhu unotenda nomoyo, ndokururamiswa; unopupura nomuromo, ndokuponeswa. VAGARATIA. 3:22 Asi Rugwwaro rwakapfigira zvose pasi pezvivi, kuti chipirwa chinobva pakutenda munaJesu Kristu chipiwe vanotenda. VAEFESO. 2:1-5 Wakakuraramisai imi, mukanga makafa mukudarika kwenyu nomuzvivi zvenyu, 2 izvo zvamaifamba mukati mazvo kare, netsika dzenyika ino, nenzira dzomuchinda wesimba redenga, dzomweyaunobata zvino muvana vokusaterera; 3 vataifamba tose pakati pavo kare, mukuchiva kwenyama yedu, tichiita kuda kwenyama nokwokufunga kwedu, napakuzvarwa kwedu isu navamwe vose taiva vana vokutsamwirwa. 4 Zvino Mwari unenyasha zhinji-zhinji, nokuda kworudo rwake rukuru, rwaakatida narwo, 5 kunyange takanga takafa mukudarika kwedu, wakatiraramisa pamwe chete naKristu (makaponeswa nenyasha. VAEFESO. 2:8-9 Nokuti makaponeswa nenyasha, nokutenda; izvo zvisingabvi kwamuri, asi chipo chaMwari; 9 hazvibvi pamabasa, kuti kurege kuva nomunhu unozvikudza. TITO. 3:4-7 Asi vunyoro bwaMwari Muponesi wedu, norudo rwake kuvanhu, zvakati zvavonekwa, 5 wakatiponesa, asingaziiti nokuda kwamabasa akarurama, atakanga taita isu, asi nokutenda kwwenyasha dzake, nenzira yokushambidzwa kwokuberekwa kutsva nokuvandudzwa noMweya Mutsvene, 6 waakadurura achiwanza pamusoro pedu, naJesu Kristu Muponesi wedu, 7 kuti isu, taruramiswa nenyasha dzake, tiitwe vadyi vanhaka nokuda kwetariro youpenyu bwusingaperi.