MURAIRO WEKARE / MURAIRO MUTSVA

ISAYA. 43:18-19 Musarangarira zvinhu zvakapfuura, musafunga zvinhu zvakare. 19 Tarirai, ndichaita chinhu chitsva; chobuda zvino; hamungachizivi here? Ndichaita nzira murenje, nenzizi musango. MATEO. 5:17 Musafunga kuti ndakuvuya kuparadza murairo kana vaprofita. Handina kuvuya kuparadza asi kuzadzisa. MATEO. 9:16-17 Hakuna munhu unoisa chigamba chitsva paguvo yakasakara nokuti chakasonerwa chinobvarura nguvo vuri rikanyanya. Havadirivo waini itsva muhombodo tsaru nokuti hombodo dzingaparuka, wani ikatevuka nehombodo dzikafavo. Asi vanodira waini itsva muhombodo itsva zviviri zvose zvichengeteke. (Mar. 5:22-43; Ruka. 8:41-56). MATEO. 11:13 Nokuti vaporofita vose nomurairo vakaporofita kusvikira kuna Johane. MATEO. 22:37-40 Akati kwavari: Ida Ishe, Mwari wako, nomoyo wako wose, nomweya wako wose, nokufunga kwako kwose. 38 Ndiwo murairo mukuru nowokutanga. 39 Wechipiri unofanana nawo, ndiwoyu: Ida wokwako; sezvaunozvida iwe. 40 Murairo wose navaporofita zvakabatanidzwa pamirairo iyi miviri. (Mar. 12:35-37; Ruka. 20:41-44). RUKA. 16:16 Murairo navaporofita zvakanga zviripo kusvikira kunaJohane; kubva panguva iyo vushe bwaMwari bwunoparidzwa, mumwe nomumwe unopinda mabwuri nesimba. JOHANI. 1:17 Nokuti murairo wakapiwa naMosesi, asi nyasha nezvokwadi zvakavuya naJesu Kristu. JOHANI. 7:23 Zvino kana munhu angadzingiswa nesabata, kuti murairo waMosesi urege kuputswa, ko imi monditsamwira nokuti ndakaporesa munhu zvakakwana. JOHANI. 19:30 Zvino Jesu wakati agamuchira vhinega, akati: Zvapera! Akakotamisa musoro wake, akabudisa Mweya wake. MABASA AVAPOSTORI. 13:39 Noyuyu, mumwe nomumwe unotenda, unoruramiswa pazvose, zvamakanga musingagoni kururamiswa pazviri nomurairo waMosesi. MABASA AVAPOSTORI. 15:5-20 Asi vamwe vedzidziso yavaFarise, vaitenda vakasimuka, vakati, vanofanira kudzingiswa nokurairwa kuti vachengete murairo waMosesi. 6 Ipapo vaapositora navakuru vakavungana kuti varangane pamusoro peshoko iri. 7 Zvino, nharo huru dzakati dzavapo. Petro akasimuka akati kwavari: Varume, hama, munoziva kuti kubva pamazuva akare Mwari wakandisanangura pakati penyu, kuti vahedheni vanzwe shoko reEvhangeri nomuromo wangu, vatende. Zvino Mwari, muzivi womoyo, wakavapupurira, akavapa Mweya Mutsvene sesu; 9 haana kutsaura pakati pedu navo, zvaakanatsa moyo yavo nokutenda. 10 Naizvozvo zvino munoidzirei Mwari, muchiisa pamitsipa yavadzidzi joko, rakanga risingagoni kutakurwa namadzibaba edu kunyange nesu? 11 Asi tinotenda kuti isu tichaponeswa nenyasha dzaShe Jesu Kristu nomutovo mumwe navo. 12 Ipapo vanhu vazhinji vose vakaramba vanyerere, vakaterera vana Bhanabhasi naPauro vachirondedzera zviratidzo nezvishamiso, zvakaitwa naMwari navo pakati pavahedheni. 13 Zvino vakati vanyarara, Jakobho akapindura, akati: Varume hama, nditererei. 14 Simeoni wakarondedzera mutangire waMwari kumutsa vahedheni, kuti atore kwavari vanhu vezita rake. 15 Namashoko avaprofita anobvumira izvozvi; sezvazvakanyorwa zvichinzi: 16 Shure kwazvozvi ndichadzoka, Ndivake tabernakeri yaDhavhidhi, yakawa; Ndichavaka zve matongo ayo, Ndichimutsa; 17 Ndizvo zvinotaura Ishe, Navahedheni vose vakadanwa nezita rangu. 18 Mabasa ake ose kubva pakuvamba kwenyika anozikanwa kunaMwari. 19 Naizvozvi ini ndinoti, ngatirege kugumbusa avo pakati pavahedheni vakatendevukira kunaMwari; 20 asi tivanyorere kuti varege zvakashatiswa nezvifananidzo, novupombwe, nezvakadzipwa, neropa. MABASA AVAPOSTORI. 18:13 Vachiti: Uyu unogombedzera vanhu kuti vanamate Mwari nenzira isingatenderwi nomurairo. MABASA AVAPOSTORI. 21: 17-21 Zvino takati tichisvika Jerusarema, hama dzikatigamuchira nomufaro. 18 Fume mangwana Pauro akapinda nesu kunaJakobho; navakuru vakanga varipo vose. 19 Akavakwazisa, ndokuvarondedzera, chimwe nechimwe, zvakaitwa naMwari pakati pavahedheni nebasa rake. 20 Ivo vakati vazvinzwa, vakakudza Mwari, vakati kwaari; Hama, unovona kuti zvuru zvingani zvavaJudha vanotenda; vose vanoshingairira murairo; 21 zvino vakavudzwa kuti iwe unodzidzisa vaJudha vose vari pakati pavahedheni, kuti varambe Mosesi, uchiti, varege kudzingisa vana vavo, kana kufamba netsika dzomurairo. VAROMA. 3:19 Zvino todiniko? Tinovapfuvira here? Kwete napaduku; nokuti tambopa vose mhosva, vaJudha navaGiriki, tichiti vose vakasungwa nezvivi. VAROMA. 3:21-22 Asi zvino kururama kwaMwari kwakaratidzwa kunze kwomurairo, kuchipupurirwa nomurairo navaporofita; 22 ndiko kururama kwaMwari kunovuya nokutenda kunaJesu Kristu kunavose vanotenda; nokuti havasiyani. VAROMA. 3:27 Zvino kuzvikudza kuripiko? Kwabviswa. Nomurairo upiko? Wamabasa here? Kwete, asi nomurairo wokutenda. VAROMA. 3:28 Naizvozvo tinoti, munhu unoruramiswa nokutenda kunze kwamabasa omurairo. VAROMA. 4:1-16 Zvino tichatiiko? Abhurahamu, teteguru vedu panyama, wakawaneiko? 2 Nokuti dai Abhurahamu akaruramiswa namabasa ake, ungadai anechinhu chaangazvirumbidza nacho; asi haana pamberi paMwari. 3 Nokuti Rugwaro runoti kudiniko? Runoti: Abhurahamu wakatenda Mwari, kukanzi kwaari ndiko kururama. 4 Zvino kunonobate-basa, mubairo haunzi ndowenyasha, asi ndowengava. 5 Kunousingabati, asi unotenda kunaiye unoruramisa munhu usingadi Mwari, kutenda kwake kunonzi kwaari ndiko kururama. 6 Sezvinoreva vo Dhavhidhi, kuti wakaropafadzwa munhu unonzi naMwari wakarurama, kunze kwamabasa, 7 achiti: Vakaropafadzwa vakanganwirwa zvisakarurama zvavo, Navakafukidzirwa zvivi zvavo; 8 Wakaropafadzwa munhu usinganzi naShe unezvivi. 9 Zvino kuropafadzwa uku ndokwavakadzingiswa, kana kwavasina kudzingiswa here? Nokuti tinoti, kunaAbhurahamu kutenda kwake kwakanzi ndiko kururama. 10 Zvino zvakanzarwo Seiko? Atodzingiswa, kana asinakudzingiswa here? Hazvina kunzarwo adzingiswa, asi asina kudzingiswa; 11 wakapiwa chiratidzo chokudzingiswa, kuti chive chisimbiso chokururama kwokutenda, kwaakanga anako asati adzingiswa; kuti ave baba vavose vanotenda, kunyange vasina kudzingiswa, kuti vagonzi vakarurama; 12 ave baba vokudzingiswa kunaivo vasina kudzingiswa bedzi, asi vanofamba vo mumakwara okutenda kwababa vedu Abhurahamu, kwavaiva nako vasati vadzingiswa. 13 Nokuti chipikirwa chokuti uchava mugari wenhaka yenyika hachina kupiwa Abhurahamu kana rudzi rwake nomurairo, asi nokururama kwokutenda. 14 Nokuti dai vomurairo vari vagary venhaka, kutenda hakunamaturo, nechipikirwa chinokoneswa; 15 nokuti murairo unovuyisa kutsamwa; asinomurairo hapana kudarika vo. 16 Saka ndezvokutenda, kuti, zvive zvenyasha; kuti chipikirwa chive nesimba kurudzi rwose; rusati ruri rwomurairo bedzi, asi norwokutenda kwaAbhurahamu vo, iye baba vedu tose. VAROMA. 6:14 Nokuti zvivi hazvingavi nesimba pamusoro penyu; nokuti hamuzi pasi pomurairo asi pasi penyasha. VAROMA. 7:4 Saka hama dzangu nemi vo makaitwa vakafa kumurairo nomuviri waKristu; kuti muve womumwe, iye wakamutswa pavakafa, kuti tiberekere Mwari zvibereko. VAROMA. 7:6 Asi zvino takasunungurwa pamurairo, takafa kunaizvozvo zvatakanga takasungwa nazvo; naizvozvo tinobatira Mwari nomweya mutsva, tisingabatiri nezvakanyorwa zvakare. VAROMA. 7:7-12 Zvino tichatiyiko? Murairo zvivi here? Haiwa! Asi handizaiziva zvivi handizaiziva usipo; nokuti handizaiziva kuchiva, kana murairo usina kuti: Usachiva; 8 zvino zvivi zvakawana nzira nomurairo, zvikaita mandiri mitovo yose yokuchiva; nokuti kunze kwomurairo zvivi zvakafa. 9 Ini ndaiva mupenyu kare kunze kwomurairo, asi mutemo uchizosvika, zvivi zvakamuka, ini ndikafa; 10 nomutemo iwo waifanira kuisa muvupenyu, ndakauwana uchiisa kurufu; 11 nokuti zvivi zvakawana nzira nomutemo, zvikandinyengera zvikandivuraya, nawo. 12 Naizvozvo murairo mutsvene, nomutemo mutsvene, wakarurama, wakanaka. VAROMA. 8:3-4 Nokuti, zvakanga zvisingakwaniswi nomurairo, pakushaiwa kwawo simba nokuda kwenyama. Mwari pakutuma kwake Mwanakomana, wake nomufananidzo wenyama yezvivi, nokuda kwezvivi, wakapa mhosva zvivi zviri munyama; 4 kuti zvakarebwa nomurairo zviitike matiri, isu tisingafambi nenyama, asi nomweya. VAROMA. 10:4 Nokuti Kristu ndiyemugumo womurairo pakutsvaka kururama, kuno mumwe nomumwe unotenda. VAROMA.13:8-10 Musava nechikwerete nomunhu, asi chokudana; nokuti unoda mumwe, wazadzisa murairo. 9 Nokuti izvo zvokuti; Usaita vupombwe, usavuraya, usaba, usapupura wokwako nhema, usachiva; kana murairo upi noupi, zvakavunganidzwa pashoko rokuti: Ude wokwako sezvaunozvida iwe. 10 Rudo haruitiri wokwako zvakaipa; naizvozvo rudo runozadzisa murairo. 1 VAKORINDE. 9:20 KuvaJudha ndakava somuJudha, kuti ndiwane vaJudha; Kunavari pasi pomurairo, ndakava somunhu uri pasi pomurairo, kunyange ndisati ndiri pasi pomurairo hangu, kuti ndiwane vari pasi pomurairo. VAGARATIA. 2:16 Zvatinoziva kuti munhu haaruramiswi, namabasa omurairo, asi nokutenda kunaKristu Jesu, nesu vo takatenda kuna Kristu Jesu, kuti tiruramiswe nokutenda kunaKristu, tirege kururamiswa namabasa omurairo; nokuti hakune nyama icharuramiswa namabasa omurairo. VAGARATIA. 2:21 Handikonesi nyasha dzaMwari nokuti kana kururamiswa kuchibva kumurairo, Kristu wakafa pasina. VAGARATIA. 3:2 Ichechi bedzi ndinoda kunzwa kwamuri; Makapiwa Mweya namabasa omurairo here, kana nokunzwa kwokutenda. VAGARATIA. 3:5 Naizvozvo uyo unokupai Mweya, nokuita mabasa esimba pakati penyu, unozviita izvo namabasa omurairo here, kana nokunzwa kwokutenda? VAGARITIA. 3:10 Nokuti vose vari vamabasa omurairo, vari pakutukwa; nokuti kwakanyorwa, kuchinzi; vakatukwa vose vasingarambiri pazvinhu zvose zvakanyorwa mubuku yomurairo, kuti vaiite. VAGARATIA. 3:11 Zvino, zvinovonekwa kuti hakunamunhu unoruramiswa nomurairo pamberi paMwari, nokuti: Wakarurama uchararama nokutenda. VAGARATIA. 3:13 Kristu wakatidzikinura pakutuka kwomurairo, iye akaitwa chakatukwa nokuda kwedu, nokuti kwakanyorwa, kuchinzi: Vakatukwa vose vanoturikwa pamuti! VAGARATIA. 3:17-29 Zvino ndinoreva chinhu ichi, ndichiti; Sungano yakasimbiswa kare naMwari, munaKristu, haitorerwi simba rayo nomurairo wakazotevera makore mazana mana namakumi matatu apfuvura, kuti chipikirwa chikoneswe. 18 Nokuti kana nhaka ichabva kumurairo, haichabvi kuchipikirwa; asi Mwari wakaipa Abhurahamu nokupikira. 19 Naizvozvo murairo chinyiko? Wakazowedzerwa nokuda kwezvivi, kusvikira mwana wakapikirwa izvozvo achizovuya; iwo wakarairwa navatumwa noruvoko rwomurevereri. 20 Zvino murevereri haazi womumwe chete, asi Mwari ndomumwe. 21 Ko murairo unorwisana nezvipikirwa zvaMwari here? Haisva! Nokuti dai vakanga vapiwa murairo waigona kururamisa, zvirokwazvo kururamiswa kungadai kwakabva kumurairo. 22 Asi Rugwaro rwakapfigira zvose pasi pezvivi, kuti chipikirwa pakutenda munaJesu Kristu chipiwe vanotenda. 23 Asi kutenda kusati kwasvika, taichengetwa pasi pomurairo, takapfigirwa nokuda kwokutenda kwazoratidzwa. 24 Saizvozvo murairo wakanga uri muperekedzi wedu, kutiisa kunaKristu kuti tiruramiswe nokutenda. 25 Zvino kutenda zvakwakasvika, hatichiri pasi pomuperekedzi. 26 Nokuti imi mose muri vana vaMwari nokutenda munaKristu Jesu; 27 nokuti vose pakati penyu, vakabhabhatidzwa munaKristu, makafuka Kristu. 28 Hakuchina muJudha kana muGriki, hakuchina wakasungwa kana wakasununguka, hakuchina munhurume kana munhukadzi; nokuti imi mose muri vamwe munaKristu Jesu. 29 Zvino kana muri vaKristu, muri vana vaAbhurahamu, vadyi venhaka sezvamakapikirwa. VAGARATIA. 5:3 Ndinopupura mumwe nomumwe unodzingiswa, kuti iye unengava rokuti aite murairo wose. VAGARATIA. 5:4 Makaparadzaniswa naKristu, iyemi munoda kururamiswa nomurairo; mabudiswa panyasha. VAGARATIA. 5:14 Nokuti murairo wose unozadziswa neshoko rimwe chete, rokuti: Ude wokwako sezvaunozvida iwe. VAGARATIA. 5:18 Asi kana muchitungamirirwa noMweya, hamuzi pasi pomurairo. VAGARATIA. 6:2 Takuriranai mitoro yenyu, mugozadzisa murairo waKristu saizvozvo. VAEFESO. 2:15 Zvaakaparadza munyama yake kuvengana, iwo murairo wezvakarairwa pazvirevo; kuti asike ava vaviri vave munhu mutsva maari, aite Rugare saizvozvo. VAFIRIPI. 3:9 Ndiwanikwe maari, ndisina kururama kwangu kuri kwomurairo, asi kuri kwokutenda kunaKristu, ndiko kururama kunobva kunaMwari nenzira yokutenda. 1 TIMOTI. 1:9 Achiziva kuti murairo hauna kuitirwa wakarurama, asi vasinehanya nomurairo, navasingatereri, navasingadi Mwari, navatadzi, navasi vatsvene, nevasinehanya naMwari, navanorova madzibaba, navanorova madzimai, navanovuraya vanhu. VAHEBHERU. 7:12 Nokuti kana vuPirista bwuchishandurwa, nomurairo unofanira kuti ushandurwe vo. VAHEBHERU. 7:28 Nokuti murairo unogadza vanhu vanowutera, kuti vave vaPirista vakuru, asi shoko rokupika, rakatevera murairo, rinogadza Mwanakomana, wakakwaniswa nokusingaperi. VAHEBHERU. 8:6 Asi zvino wakapiwa basa rakanyanya kunaka, sezvaari Murevereri wesungano inopfuvura nokunaka, yakasimbiswa nezvipikirwa zvinopfuvura nokunaka. VAHEBHERU. 8:7 Nokuti dai iya yokutanga yakanga isina chaingapomerwa, yechipiri ingadai isina kutsvakirwa nzvimbo. VAHEBHERU. 8:10 Nokuti ndiyo sungano yandichaita neimba yaIsraeri kana mazuva iwayo apfuvura, ndizvo zvinotaura Ishe; Ndichaisa mirairo yangu pakufunga kwavo, ivo vachava vanhu vangu. VAHEBHERU. 8:13 Zvaanoti: Sungano itsva yakasakadza yokutanga; zvino chinhu chosakara, chova chakare, choda kurova. VAHEBHERU. 9:1-10 Zvino, neyiyi sungano yokutanga yakanga inemirairo yokushumira Mwari nayo, neimba tsvene yenyika. 2 Nokuti tabhernakeri, yaiva yokutanga, yakagadzirwa, makanga munechigadziko chemwenje, netafura, nezvingwa zvokuratidza; ndipo panonzi Patsvene. 3 Zvino mberi kwechidzitiro chechipiri pakanga panetabhernakeri yainzi Patsvene-tsvene; 4 pakanga panendiro yendarama yezvinonhuwira, neareka yesungano, yakanga yakanamwa nhivi dzose nendarama, imomo makanga munehari yendarama, yakanga inemana, netsvimbo yaAroni, yakadeya kutunga, namahwendefa esungano; 5 pamusoro payo pakanga panamakerubhi okubwinya, akadzikatira chifunhiro chengoni; hatigoni kurondedzera izvozvo tichiita chimwe-chimwe zvino. 6 Zvinhu izvi zvakati zvagadzirwa saizvozvo, vapirista vaipinda mutabernakeri yokutanga nguva dzose, vachibata mabasa okushumira Mwari; 7 asi muneyechipiri muPrisita mukuru wapinda ari oga, kamwe chete negore, asingapindi asineropa, raaizvibayirira iye nezvivi zvavanhu; 8 Mweya Mutsvene achiratidza chinhu ichi, kuti nzira inoenda kuNzvimbo Tsvene yakanga isati yataridzwa, tabernakeri yokutanga ichimire; 9 wakanga uri mufananidzo wenguva inoyavanobayira nayo zvipo nezvibayiro, zvisingagoni kukwanisa pahana yake iye unoshumira; 10 nokuti yaingova mirairo yenyama, yezvokudya, nezvokunwa, nokushamba kuzhinji, yavakatemerwa kusvikira panguva yokuvandudzwa. VAHEBHERU. 9:11-15 Asi Kristu wakati asvika ari muPrista mukuru wezvinhu zvakanaka zvinozovuya, akapinda napatabhernakeri yakapfuvura pakukura napakukwana, isina kuitwa namavoko, ndiko kuti isati iri yokusikwa kuno, 12 haana kupinda neropa rembudzi kana remhuru, asi neropa rake chairo, kamwe, akatiwanira rudzikinuro rusingaperi. 13 Nokuti kana ropa rembudzi nerenzombe namadota etsiru, kana zvisaswa pamusoro pavakasvibiswa, zvichivaita vatsvene, kuti vanatswe panyama, 14 zvikuru sei ropa raKristu, iye wakazviita noMweya usingaperi chibayiro kunaMwari, chisina chachingapomerwa, richanatsa hana dzedu pamabasa akafa, kuti tishumire Mwari mupenyu. 15 Nemhaka iyo, iye ndiMurevereri wesungano itsva kuti, rufu zvarwakasvika kuzodzikinura avo vakadarika pasungano yokutanga. VAHEBHERU. 9:16-17 Nokuti apo pane testament, panofanira kuvapo vo rufu rwaiye wakaiita. 17 Nokuti testament inesimba kana vanhu vafa; nokuti haitongovi nesimba kana wakaiita achiri mupenyu. VAHEBHERU. 9:22-28 Zvirokwazvo tingati pamurairo zvinhu zvinenge zvose zvinonatswa neropa; vuye kana kusineropa rinotevurwa, hakunekanganwiro. 23 Naizvozvo mifananidzo yezvivi kudenga yaifanira kuti inatswe nezvibayiro izvi, asi zvinhu zvokudenga zvimene kuti zvinatswe nezvibayiro zvinopfuvura izvi nokunaka. 24 Nokuti Kristu haana kupinda panzvimbo tsvene yakaitwa namavoko, inofananidza iyo iri chaiyo, asi wakapinda kudenga kumene, kuti zvino azviise pamberi paMwari nokuda kwedu; 25 vuye haana kupinda kuti azviite chibayiro kazhinji, somuPrista mukuru unopinda panzvimbo tsvene gore rimwe nerimwe, akabata ropa rezvimwe zvinhu; 26 nokuti dai zvakanga zvakadaro, ungadai aitambura kazhinji kubva pakuvambwa kwenyika; asi zvino wakavonekwa kamwe chete pakupedzisira kwenguva, kuti aparadze zvivi, nokuzviita chibairo kwake. 27 Vuye vanhu zvavakatemerwa kuti vafe kamwe chete, kutongeswa kugotevera, 28 saizvozvo Kristu, wakaitwa chibayiro kamwe chete, kuti atakure zvivi zvavanhu vazhinji, uchazovonekwa rwechipiri, asingatakuri zvivi, naivo vanomutarira kuti avaponese. VAHEBHERU. 10:1-4 Nokuti murairo zvaunomumvuri wezvinhu zvakanaka zvino vuya usati uri mufananidzo chaiwo wezvinhu izvozvo, haungatongogoni kukwanisa avo vanoswedera gore rimwe nerimwe naizvozvo zvibayiro zvavanoramba vachibayira Mwari, 2 dai zvakanga zvakadaro, zvingadai zvisina kupera kubayirwa here? Nokuti vanonamata, kana vakanga vanatswa kamwe chete, vangadai vasina kuzoyevudzwa zvivi zvavo. 3 Asi nezvibayiro izvozvo vanoyevudzirwa zvivi gore rimwe nerimwe. 4 Nokuti ropa renzombe nerembudzi haritongogoni kubvisa zvivi. VAHEBHERU. 10:5-18 Saka pakusvika kwake panyika, unoti: Chibayiro nechipo makazviramba. Asi makandigadzirira muviri, 6 hamuna kuda zvibayiro zvinopiswa, nezvibayiro zvezvivi; 7 Zvino ndikati: Tarirai, ndavuya, (Murungwaro makanyorwa pamusoro pangu) kuti ndiite kuda kwenyu, imi Mwari. 8 Zvaanoti pakutanga: Zvibayiro nezvipo, nezvibayiro zvinopiswa, nezvibayiro zvezvivi hamuna kuzvida, hamuna kufadzwa nazvo) zviri izvo zvinobayirwa Mwari sezvinoreva murairo). 9 Ndokuzoti: Tarirai, ndinovuya kuzoita kuda kwenyu imi Mwari. Unobvisa chokutanga kuti amise chechipiri. 10 Nokuda ikoku takaitwa vatsvene nechibayiro chomuviri waJesu Kristu, chakabayirwa kamwe. 11 Muprista mumwe nomumwe unomira zuva rimwe nerimwe achishumira, nokubayira kazhinji zvibayiro izvozvo zvisingagoni kubvisa zvivi, 12 asi murume uyu wakati abayira chibayiro kamwe chete pamusoro pezvivi, akagara nokusingaperi kurudyi rwaMwari; 13 kubva zvino achimirira kusvikira vavengi vake vaitwa chitsiko chetsoka dzake. 14 Nokuti nechibayiro chimwe chete wakakwanisa nokusingaperi avo vanoitwa vatsvene. 15 NoMweya Mutsvene unotipupurira vo; nokuti wakatanga, achiti: 16 iyi ndiyo sungano yandichaita navo Shure kwamazuva iwayo, ndizvo zvinotaura Ishe; Ndichaisa mirairo yangu pamoyo yavo. Nokuinyora pakufunga kwavo; Nokuzoti: 17 Zvivi zvavo nokudarika kwavo handichatongozvirangariri. 18 Zvino, kana zvinhu izvi zvakanganwirwa, zvivi hazvichabayirwi. VAHEBHERU. 10:19-22 Naizvozvo, hama dzangu, zvatingatsunga kupinda panzvimbo tsvene neropa raJesu. 20 nenzira itsva mhenyu yaakativambira iye nokupinda kwake pachidzitiro chetembere, ndiyo nyama yake; 21 vuye zvatinomuPrista mukuru paimba yaMwari, 22 ngatiswedere nomoyo wazvokwadi, nokutenda kwakasimba, moyo yedu yasaswa nemuviri yedu yakashambidzwa nemvura yakanaka. JAKOBHO. 2:10 Nokuti munhu unochengeta murairo wose, akagumburwa kunechinhu chimwe chete, wava nemhosva kunezvose.