MAPOROFITA

JEREMIA. 47:2 Zvanzi naJehovha, Tarisai, mvura zhinji inokwira ichibva kurutivi rwokumusoro, ichava rwizi runopafuma, ichafukidza nyika nezvose zvirimo, neguta navageremo; vanhu vachachema, navose vagere munyika vachawungudza.’ JEREMIA. 48:1 Pamusoro paMoabhu. Zvanzi naJehovha wehondo. Mwari waIsraeri, ‘Nebho rine nhamo, nokuti raparadzwa; Kiriataimu ranyadziswa, rakundwa; Mishigabhi ranyadziswa, ravhunduswa.’ MATEO. 5:17 Musafunga kuti ndakavuya kuparadza murairo kana vaporofita. Handina kuvuya kuparadza asi kuzadzisa. MATEO. 11:13 Nokuti vaporofita vose nomurairo vakaporofita kusvikira kuna Johane. MATEO. 22:40 Murairo wose navaporofita zvakabatanidzwa pamirairo iyi miviri (Mar. 12:35-37; Ruka. 20:41-44.) RUKA. 16:16 Murairo navaporofita zvakanga zviripo kusvikira kunaJohane; kubva panguva iyo vushe bwaMwari bwunoparidza mumwe nomumwe unopinda mabwuri nesimba. MABASA AVAPOSTORI. 2:17-18 Mwari unoti: Namazuva okupedzisira, Ndichadurura zvoMweya wangu pamusoro penyama yose; Vanakomana venyu navanasikana venyu vachaporofita; Majaya enyu achavona zviratidzo. Navatana venyu vacharota hope. 18 Napamusoro pavaranda vangu napamusoro pavashandiri vangu, Ndichadururira zvomweya wangu namazuva iwayo; vachaporofita. MABASA AVAPOSTORI. 11:27-28 Namazuva iwayo vaporofita vakaburuka vachibva Jerusarema, vakaenda Antiokia. 28 Mumwe wavo wainzi Agabo, akasimuka, ndokuvazivisa noMweya kuti nzara huru ichavapo panyika yose; iyo ikasvika panguva yaKraudio. MABASA AVAPOSTORI. 21:9-11 Iye wakanga anavakunda vana, mhandara, vaiporofita. 10 Zvino takati tichigarapo mazuva mazhinji, mumwe muporofita, wainzi Akabo, akaburuka achibva Judhea, 11 akavuya kwatiri, akatora bhanire raPauro, akazvisunga makumbo namavoko ake, akati; Mweya Mutsvene unoreva kudai: Saizvozvo vaJudha paJerusarema vachasunga murume, mwene webhanire iri, nokumuisa pamavoko avahedheni. VAROMA. 3:21 Asi zvino kururama kwaMwari kwakaratidzwa kunze kwomurairo, kuchipupurirwa nomurairo navaporofita. 1 VAKORINDE. 12:28-29 Mwari wakaisa vamwe pakereke, pakutanga vaapositora, rwechipiri vaporofita, rwechitatu vadzidzisi, tevere vaiti vamabasa esimba, tevere zvipo zvokuporesa, navabatsiri navabati, namarudzi mazhinji endimi. 29 Vose vaapostora here? Vose vaporofita here? Vose vadzidzisi here? Vose vaiti vamabasa esimba here? 1 VAKORINDE. 14:29-33 Vapofita ngavataure vaviri, kana vatatu, navamwe ngavaidze. 30 Zvino kana chimwe chinhu chikazarurirwa mumwe ugerepo, wokutanga ngaanyarare. 31 Nokuti mungaporofita mose, muchiita mumwe-mumwe, kuti vose vadzidze, vose vanyaradzwe. 32 Mweya yavaporofita inozviisa pasi pavaporofita; 33 nokuti Mwari haazi Mwari wenyonganiso, asi worugare, sapakereke dzose dzavatsvene. VAEFESO. 2:20 Makavakwa pamusoro penheyo dzavapostora navaprofita, Kristu Jesu amene ari ibwe rapakona. VAEFESO. 4:11-14 Zvino wakapa vamwe kuti vave vaapostora, vamwe vaporofita, vamwe vaEvhangeri, vamwe vafudzi navadzidzisi; 12 kuti vatsvene vakwanisirwe basa ravo rokushumira, nerokuvaka muviri waKristu; 13 kudzamara isu tisvike pavumwe bwokutenda nokuziva Mwanakomana waMwari, napamunhu wakura, napachiyero chovukuru bwokuzara kwaKristu; 14 kuti tirege kuramba tichingova vacheche, tichizununguswa nokudzingwa nemhepo ipi yokudzidzisa nokunyengera kwavanhu, namano, kuti vatsause nokunyengera. VAHEBHERU. 1:1-3 Mwari wakataura kare kunamadzibaba muvaporofita nemigove mizhinji, vuye nemitovo mizhinji, 2 zvino pakupedzisira kwamazuva ano wakataura kwatiri muMwanakomana wake, waakaita mudyi wenhaka yezvinhu zvose, waakaita vo naye nyika; 3 iye chadzera chokubwinya kwake, nomufananidzo wake chaiye, unotakura zvinhu zvose neshoko resimba rake, wakati anatsa zvivi zvedu iye pachake, akagara kurudyi rwoVumambo kudenga. 2 PETRO. 1:19-21 Vuye tineshoko rovuporofita rakasimba kwazvo, ramunoita zvakanaka kana muchiriterera, rakaita somwenje unovhenekera munerima, kusvikira vutonga bwuchitsvuka, nenyamasase ichibudira moyo yenyu; 20 muchiziva pakutanga, kuti hakunovuporofita bworugwaro bwunongodudzirwa nomunhu; 21 nokuti hakunovupofita bwakatongovuya nokuda kwomunhu, asi vanhu vatsvene vaMwari vakataura, vachimutswa noMweya Mutsvene.