* Mwari mutsvene. Mwari anovenga chivi uye akapadzana nezvose zvakaipa. (verenga Mapisarema 99:9 ; Isaya 6:3 ; Zvakazarurwa 15:4)
* Mwari akarurama. Mwari akarurama uye anoda kuti munhu ave noku rurama kumwe cheteko. Anovenga chivi asi anoda mutadzi. (verenga Mapisarema 145:17 ; Isaya 5:16 ; VaRoma 3:26).
* Mwari mutongi akarurama. Pazuva rokutonga raMwari, vanhu vose vachatongwa zvakarurama. Vanhu vazhinji vanotadza pano panyika uye vasingarangwe. Zvisinei, nguva ichasvika apo vanhu vose vachamira pamberi paMwari kuti vatongwe. (verenga Mapisarema 96:13 ; VaRoma 2:2 ; VaHeberu 9:27).
* Mwari ane tsitsi. Mwari haatitonge pamusoro pezvatakaita, asi netsitsi dzake anotitonga nokuda kwezvatakaitirwa naKristu pamuchinjikwa. Tinokodzera kufa, asi kunze kokudaro anotipa upenyu nomuna Jesu. Musungwa anokumbira kururamiswa nedare.
- Mutadzi anenge atendeuka anokumbira uye anogamuchira tsitsi dzaMwari. (verenga Deuteromio 4:31 ; 2 makoronike 30:9 ; Mapisarema 116:5)
* Mwari rudo. Mwari anoda vanhu vose. Asi rudo urwu harupofomadze Mwari kuti arege kuona magariro amunhu okutadza. Uyewo rudo rwaMwari harwumutadzise kutonga zvakarurama avo vanosarudza kufira muzvivi zvavo.
- Nokuda kwerudo rwaMwari rukuru akatuma Mwanakomana wake, Jesu Christu, kuzofira, nokurangirwa zvivi zvevanhu vose. Jesu akatora murango wezvivi zvedu zvaakafa pamuchinjikwa, achiita kuti zvikwanisike kuti tiregrerwe. Kana tikatendeuka mumwoyo uye nokusimba naKristu soMuponesi wedu, tinowana ruregerero urwu nokugamuchira upenu husingaperi. (verenga Jahane 3:16 ; naVaRoma 5:8)
No comments:
Post a Comment